怀念粤语童谣

2011年08月10日 04:20
来源：信息时报

字号:T|T

0人参与0条评论打印转发

白话广州

◎陈嫚职员

新闻话，海珠区有一对五旬嘅美术老师夫妇自创百首粤语歌谣配漫画，以此独特嘅方式来传承广府文化。睇咗之后，我真係思绪万千，感慨多多。粤语歌谣，我自幼就成日听嘅喇，而上式一次听，居然係广州亚运开幕嘅时候，真係惭愧至极。

童谣係以广东话为基础、老人家氹细路仔吃饭、瞓觉时候唱嘅，内容一般係教育小朋友热爱大自然、孝敬父母，歌词押韵，朗朗上口，非常好听。我细个嗰阵时，我妈咪老窦虽然唔教我唱，但係买咗好多磁带放俾我听，电视、电台亦经常播放。每逢学校举行才艺比赛，好多班级都选择唱粤语歌谣，或者用粤语歌谣来做舞蹈曲目。我仲记得，我第一次代表班去参加学校才艺比赛，所拣嘅舞蹈曲目就係《落雨大》。

依家可能係因为推广普通话以及外地人多咗嘅缘故，幼儿园、中小学校越来越少教小朋友唱粤语歌谣，多数家长只重视教小朋友唱普通话儿歌和英文儿歌。而电视台、电台播放嘅音乐基本都係流行音乐，导致识唱粤语歌谣嘅小朋友越来越少了。记得前两年，有则新闻话，广东粤语童谣大赛由于收集嘅童谣创作曲目太少、冇幼儿园和小学排练粤语童谣舞蹈等原因，而将比赛推迟。仲有项调查话，三年级以上嘅细路，对童谣一啲兴趣都冇，对《菊花台》、《死了都要爱》却曲不离口。

照咁嘅发展趋势，我担心，咁好听嘅粤语歌谣会唔会就咁样慢慢没落？到咗我嘅孙辈，会唔会冇人识唱粤语歌谣了？