小行当街做得过
提起仁济路，好多街坊都知道嗰度有家“常记”打铁铺。老细叫做黎乙常，原籍广东南海，自从1957年搬到广州后，佢已经喺仁济路做咗几十年打铁生意了。虽然做嘅大多数系湿碎嘢，但生活无咗佢哋又偏偏唔得：铁信箱、刀、铰剪、水龙头开关套、肠粉炉、铁皮烟囱……就算喺广州旧城区，做呢啲工艺嘅地方都越来越少，平时要用起身，你都唔知去边度揾。所以街坊都话：黎乙常老人坚持做到今日，真系唔容易啊。
咁样一家充满历史文化味道嘅铺头，虽然位于人民南路历史文化保护街区，但自身却未列入保护名单。今后可唔可以继续经营，仲系未知之数。
当然，咁细家铺头，要列入单独保护，似乎唔多现实。我记得以前去外地旅游见过一条小行当街，将当地有文化特点但又有啲式微嘅小行当纳入其中，街头有博物馆介绍城市行当历史，街尾有各式体验专区，等游客可以落手落脚去试吓，成条街搞得都算风生水起。
若果广州要保护传统小行当，可否借鉴呢个办法呢？人民南一带要恢复历史，总要一定主题。仁济路嘅主题就可以系“小行当”，设置打铁、打铜、补锑煲、拉面皮等小店，一方面等佢哋留喺西关街坊身边，真正可以做到生意；另一方面作为旅游景点给予一定补贴，等佢哋成为广州文化一张名片。一举两得，制得过啊。
- 社会
- 娱乐
- 生活
- 探索
频道推荐
商讯
48小时点击排行
-
64620
1林志玲求墨宝 陈凯歌挥毫写“一枝红杏 -
42654
2曝柴静关系已调离央视新闻中心 旧同事 -
37237
3人体艺术：从被禁止到被围观 -
28599
4老战友谈王朔：在新兵连曾以“神侃”天 -
21714
5李泽厚5月将在华东师范开设“桑德尔式 -
19652
6作家李翊云推新作 曾称莫言某作品“像 -
15979
7独特而温暖的画作 -
8591
8刘益谦举证功甫帖为真 称上博专家挑起
